نُشرت في ٩ سبتمبر ٢٠٢٦
٦اجمل تجربه لي في هاذي السنه لـ اجمل تصنيف بعالم الالعاب RBG ، لعبه جميله ورائعه و لكن بسلبيات مستفزه وبدائيه الايجابيات ✅ : ١ - نظام القتال ممتع جداً ، في عرض اللعبه كان اكثر شي مخوفني نظام القتال بالسيف الي كنت اشوفه ممل ولكن مع اول ساعه لي في اللعبه ابرهني جداً ، دمج القتال الطبيعي الي ممكن تشوفه في اي لعبه مع نظام قتال الي موجود في لعبة KCD ، مع اضافة قدرات ممتعه جداً كانت تجربه جميله وممتعه ، واما القتال في هيئة الفامباير شي رهيب جداً ولكن مهو فارق عن السيوف ، ممتع ورهيب وشعوره جميل لكن ماكنت احس بفرق عالي بالمتعه بينه وبين قتال بالسيوف ٢ - العالم مليان جداً بالمحتوى الي ممكن تسويه خارج نطاق القصه الرئيسيه - استفهامات الاحداث فيها عشوائيه - علامات تعجب الي راح تشوف فيه قصه وممكن تنفتح لك مهام جانبيه وتتعرف على شخصيات في العالم - انقاذ المدنيين من بطش جنود برينسيس - هدم مخميات وقواعد العسكريه لجنرالات برينسيس - بحث عن اسلحه ودروع اسطوريه ولها قصه ٣ - الاوستات في اللعبه عظيمه جداً واخذو كثير من اوستات ذا ويتشر ، الاوستات كـ مشاهد سينمائيه او حتى وانت تتمشى او وانت تقاتل ٤ - شجرة المهارات في اللعبه ممتعه جداً تخليك تدور xp من اي مكان ، شجرة المهارات مب بس تطور شخصيتك كـ قوه بل حتى تفيدك في اللوت واسعار العناصر والوزن واشياء كثير ، ايضاً شجرة المهارات الي فيها مو بس تنفتح من خلال xp بل حتى في مهارات ماراح تفتحلك الا بعد ماتخلص مهام وتختار اختيارات في الحوار مُعينه ٥ - المهام الجانبيه في اللعبه هي افضل فكرة للمهام الجانبيه الي ممكن تشوفه في اي لعبه ، اخذو نفس فكرة لعبة ذا ويتشر وسايبر بانك ، بحيث ان المهام الجانبيه ممكن تتداخل مع القصه الرئيسيه وتفتحلك نهايات + المهام الجانبيه ممكن تعطيك عناصر قويه جداً تبقى معك الين نهايه اللعبه السلبيات ❌ : ١ - فكرة الثلاثين يوم ابد ماعجبتني مو بسبب التقييد بل بسبب ان اللعبه محتواها كثير وتستهلك وقت اكثر والمشكله الاكبر ان الوقت مو بس يمشي مع المهام بل حتى المهارات اذا بغيت تتعلمها تحتاج الوقت يمشي فيها ، ايضاً اللعبه تصنيفها RBG ومن اكثر الاشياء الي تميز هذا التصنيف هو الانغماس في عالم اللعبه والساعات الكثيره الي تقضيها في اللعبه والي تخليك تتعلق بالعالم والشخصيات ، وفكرة الثلاثين يوم شالت الميزه هاذي. ٢ - تكرار الضربات للاعداء كان شي مستفز جداً لان بعد ماوصلت لـ نص اللعبه صار القتال سهل جداً لان ضرباتهم ماتتغير صرت حافظ بضبط حركات الاعداء لدرجة لو تحط عشره حولي مايهمني + تكرار الاعداء وصل حتى للوحوش الغير بشريه وذي المشكله خلت قتال الوحوش مايختلف عن قتال البشر لان كلهم نفس الضربات فـ اصبح قتال الوحوش ماله شعور مختلف ابداً ٣ - نظام اللوت وقوة العناصر في اللعبه خلتني اقصر مدة ساعاتي في اللعبه لان اللوت معد صار شي رهيب يخليك تكمل في اللعبه عشان تشوف وين ممكن توصل ، مو منطقي ابداً بعد ساعات لعب عشان اوصل لـ احد جنرالات برينسيس واهزمه واخذ درعه يجيني جندي وضيع عنده درع اقوى منه وحتى بعض المهام في اللعبه الي ممكن تقضي فيها ساعه واكثر عشان تاخذ درع او سيف ممكن هذا الدرع او السيف الي اخذته تلقى جندي ضعيف عنده احسن منه في الختام اللعبه في المجمل رهيبه جداً وتستحق اللعب وتستحق انك تقضي فيها ساعات طويله اللعبه بتسحرك في عالمها وقصتها وشخصياتها وفجاءه تلقى نفسك قضيت فيها فوق ٢٠ ساعه ، اللعبه كان تستحق الحماس وتستحق الانتظار وتجربه اولى للاستديو موفقه جداً و تحمسك تشوف اعمالهم القادمه.
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.