The Blood of Dawnwalker

اكثر عنوان كنت مترقب له هالسنه واكثر لعبه كنت اعد الوقت عشان العبها خصوصا يوم عرفت انها من نفس مطورين محبوبتي ويتشر 3 واللعبه كانت مرضيه الى حد كبير قصة اللعبه كانت اكبر ايجابيه فيها والكتابة فاقت التوقعات ، صحيح اني كنت متوقع قصه حلوه لكن ماتوقعت تكون بهالمستوى ابد ، الحريه بترتيب قصتك وكمية الخيارات والحريه بكتابة قصتك كانت تجربه ممتعه الشخصيات اغلبهم كانو ممتازين وعلى رأسهم كوين اللي متحمس اشوف مستقبله بالسلسله بعد البناء الرائع اللي حصل له بهالجزء (باستثناء كم شخصية كانو نقطة ضعف بقصة اللعبه ) فكرة الـ30 يوم لإنقاذ عائلتك كانت اكثر شيء متحمس له ولكن لعله ماتطبق بالشكل الصحيح ، لاني تقريبًا خلصت اغلب المهام وكان لازال عندي وقت كثيير وماحسيت بضغط الوقت ابدا الكومبات يبدا بداية اكثر من رائعة ويكون ادماني بشكل عجيب بالبدايه لكن مع الوقت يبدا يصير ممل ومزعج بسبب ضعف التنويع بالاعداء اللي حرفيا عددهم بنعد على الاصابع ويسوون نفس الحركات مع اختلاف هيئاتهم ومع تطور شخصيتك واسلحتك هم ايضا يتطورون بشكل غريب لدرجة مهما طورت مابتستفيد من تطويراتك واسلحتك اللي مستواها عالي لانك بكل الاحوال بتعاني ضد الاعداء وبتاخذ وقت عشان تهزمهم مهما كان نوعهم سواء حيوانات او اوادم او اشباح او مصاصين دماء وحتى الـ Mini bosses هم ثلاثه تقريبا بس بالماب ذا كله ، لدرجة وصلت نهاية اللعبه وانا كاره الكومبات عشان هالاسباب المهمات الجانبيه اكثر من نصفها كانت جودتهم ممتازه وبعضها يتفوق حتى على مهام القصه الرئيسية لكن بعضها مستواها سيء وتحسهم حشو للعبه لا اكثر عشان مايخلون الماب فاضي وعلى طاري الماب يمكن هو اكبر سلبيه باللعبه ككل ، عالم ميت وماب سيء ومافيه اي شيء مثير للاهتمام ومافيه ولا منطقه تبقى ببالك وما فيه اي مكان يجذب انتباهك عشان تروح تستكشفه مجملا لعبه ممتازه اوفت بأغلب وعودها وخذلتني ببعض الجوانب ايضًا لكن رغم هذا تبقى وحده من افضل العاب هالسنه ومتحمس جدا لمستقبل هالعنوان 8/10

تفاصيل التقييم