Dead Space

Dead space متى ارجع البيت عشان أكمل ديد سبيس؟ هذا كان شعوري اجواء اللعبه كانت ممتازه جدا الظلام والدماء والجثث والاصوات عطتني جوا رائع جدا القصه ممتازه والغموض اللي فيها كان جميل جدا وعرفت كيف تخليني متحمس طوال اللعبه ابي اعرف وش اللي صار لمحطه ايشيمورا واللي خلاها زي كذا والاهم ابي انقذ زوجتي الأحداث كانت جيدا جدا وكل شوي تتصاعد اكثر لين ماتعرف وش صار هنا وعطتني نهايةة جميله جدا نظام اللعب كان جدا مميز ابدا ماشفت زيه نظام تقطيع الأطراف كان ممتاز وحتى المكان اللي تقطعه يغير من حركه العدو، قطعت الأرجل يصير ابطئ لكن ضرباته اقوى واذا قطعت احد اليدين يصير اسرع تنوع الوحوش كان جيد وبعضهم كان كابوسي اذا شفته وتنوع الأسلحه كان ممتاز بعد كل مده تاخذ سلاح جديد ومختلف لكن اغلب وقتي كان مع القاطع الأول والرشاش وحتى كان فيه حركه كنت اسويها للوحوش اقطع رجله بعدها ادعس عليه او اضربه لكن بعد مده صارت ابدا ماتنفع ضد اغلب الأعداء اللعبه فيها مهام جانبيه وانا لقيت اثنين فقط واتوقع عددهم كامل ثلاث، حق نيكول كان جيد لكن الثاني حق دكتور ميرسير كان عادي السلبيه اللي اشوفها انه اداء اللعبه كان فيه بعض المشاكل مثل الستتر واللي بالبدايه كان مزعج لكن راح بعد اول ساعه تقريبا وصار يجي بين فتره وفتره والمهمه الأخيره طوّلوها شوي كان يمديهم يختصرون اكثر بالنهايه لعبه ديد سبيس كانت من افضل العاب اللي لعبتها هذي السنه بقصه ممتازه وغموض ممتاز ونظام لعب مميز وممتع وعالم جميل جدا متحمس جدا للجزء الثاني والثالث شكرا للقراءة.

تفاصيل التقييم