نُشرت في ٣ أكتوبر ٢٠٢٦
٥تحفة فنيه وواحده من أفضل ألعاب الرعب في تاريخ العاب الرعب، لعبة ممتازه بكل تفاصيلها، تبي تخاف، تبي تحل ألغاز، تبي تسمع موسيقى حلوه، تبي صدمة تويستات، تبي قيمبلاي رهيب، تبي إخراج رهيب، تبي سينماتوغرافي رهيب، تبي جرعة أكشن، تبي تعيش دور محقق FBI، تبي Bosses أساطير، تبي دم وتقطيع، تبي تمثيل رهيب، تبي تضحك، تبي تشوف ناس سايكو، اذا تبي تشوف كل اللي قلته العب ذي اللعبه. اللعبه فيها شخصيتين قابله للعب، Alan wake و عميلة ال FBI ساغا أندرسون، وكل الشخصيتين لها قصه لازم تختمها، وعشان تقدر تكمل قصة واحد منهم لازم تروح وتلعب من قصة الثاني وهذي حركه رهيبه وفيها ربط مره رهيب. نجي من ناحية الرعب، اللعبه مليانه Jumpscares فإذا انت من النوع اللي ما يحب الرعب المتكرر ما راح تكملها، لإنه انا يوم بديت ألعبها أول فجعه كانت بعد ما كملت بس 5 دقايق، فاللعبه نجحت في الفجعات الصراحه. من ناحية الإخراج والسينماتوغرافي كنت مررررره مستمتع لاني احب الأفلام ومتابع كبير لها وجت ذي اللعبه وجابت إخراج وسينماتوغرافي اسطوري سواء من المشاهد اللي من داخل اللعبه، أو المشاهد حقت ال Live action اللي هي تصوير حقيقي للممثلين اللي لعبوا دور الشخصيات. من ناحية الموسيقى فهي مره اسطوريه وتخلي اللعبه تخوفك دبل، وأيضا اللعبه فيها أغاني Rock and roll تخليك تتحمس. القيمبلاي اسطوري وما فيه تعقيدات، طبعا تقدر تغير مستوى الصعوبه في أي وقت، ما شفت ولا قلتش واحد في اللعبه وفي القيمبلاي، طبعا فيه تطوير للأسلحه...الخ من ناحية الالغاز فهي مش معقده إلى درجة انك تفتح شرح في اليوتيوب يعلمك وش الحل، كل لغز له حل او تلميح في مكانك اللي انت فيه. التقييم: 10/10
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.