نُشرت في ٢١ سبتمبر ٢٠٢٦
١١تقييمي للعبة بالضبط 6.5/10 من الالعاب اللي أثارت اهتمامي اول ما شفت العروض لها وتبدأ اللعبة بشكل جميل اول 10 ساعات لكن من بعدها اللعبة تبدأ تظهر سلبياتها - القصة الاساسية هي شيء واحد انك تنقذ عائلتك في 30 يوم ، لكن لابد تسوي القصص الجانبية وهي الاهم لتكتشف عالم اللعبة والقصة وبالنسبة للجانبية فيه بعضها ممتازة وبعضها عادية لكن تصميم المهام غالبيتها متكررة وضعيفة ومزعجة -الشخصيات باللعبة و اولهم كوين شخصية ممتازة وبكل مره تتعمق بالشخصية راح تعجبك ، اما الشخصيات الجانبية نفس الشيء فيه اللي منهم ممتازين وفيه اللي منهم عاديين -القتالات اول مره بتشوف شيء رهيب لكن بعد مدة لعب راح تكتشف ان القتال متكرر بشكل مزعج كل الاعداء نفس التحركات مافيه اختلاف الجندي نفس الفلاح وحتى فيه شخص اعمى نفس قتالهم ! وبالسبب هذا قتل اللعبة لأن حرفيا اول 10 ساعات هي كل شيء وبعدها راح يتكرر الى ما تخلص اللعبة ، واذا جينا للحيوانات في هي اكثر شيء مزعج باللعبة ضرباتهم قوية وبالغصب يموتون و Lock on سيء - نظام 30 يوم اللي غالبًا الناس تحمسوا باللعبة علشان النظام هذا ولكن للأسف راح تكتشف انه مجرد رقم ينزل ويعلمك كم باقي مابين النهار و الليل ، بالبداية كنت اشوفه شيء يوتر وكنت اخطط علشان استغل 30 يوم بأفضل شكل لكن قدرت اسوي اشياء كثيرة جدا من كويستات الجانبية و الانشطة وحتى التطويرات وقدرت اخلص اللعبة وباقي لي 6 ايام -التوجه الفني والموسيقى راح تشوف انه جميل لكن للأسف الشيء هذا راح تنساه وخصوصا الموسيقى كانت جميلة لكن ما راح تعلق فرأسك -تطوير قدرات كان جيد جدًا وفكرة ان فيه ثلاث اقسام للتطوير كان رهيب مثل ان تطويرات الليل لحالها و تطوير النهار لحالها وفيه تطوير مشترك واللي تقدر تستخدمه بالليل و النهار - التصنيع واللي استخدمته مره واحده فقط لأن اصلًا اللعبة راح تكون كريمة معك تفتح الصناديق راح يعطونك علاجات قتلت الاعداء وبتأخذ اللي معهم راح تحصل علاجات والى اخره ،لدرجة نسيت شيء اسمه تصنيع -اللعبة فيها متاجر للدروع و الاسحلة وغيرها لكن ما شفت نفسي احتاجها ولا حتى سويت ترقية للمعدات اللي عندي واذا على شراء الكتب اللي تعلمك تصنيع او حتى تفتح القدرات راح تحلصها بكل سهولة وانت تتمشى وتقتل وتستكشف - الاستكشاف باللعبة جيده جدا بعضها تكون مفيدة تحصل اسلحة او دروع او كتب تعليمات والى اخره -الدروع و القلادات و السيوف مهم جدًا انك تأخذ افضل شيء وخصوصا خصائصهم لأنهم راح تفيدك وسهل جدا انك تحصل ليجندري لو تسوي كويستات او تستكشف بالعالم -الزعماء باللعبة كانوا رهيبين ماعدا باكير وكويستاتهم كانوا ممتعين وخصوصا زانثي لكن فكرة اني اروح عند كل واحد وادمر معسكرهم كان الموضوع ممل وتكرار بشكل مزعج -الخلاصة: اللعبة قدمت تجربة ممتعة من ناحية القصة ، فكرة القتال المختلف مابين النهار و الليل ، قدمت نظام RPG جيد جدا ونظام الحوارات تؤثر بالقصة والشخصيات والى اخره ، واتمنى من الاجزاء المستقبلية تتحسن اكثر واكثر وخصوصًا بالقتال مع الاعداء وتنوع بالاعداء وتحسين جودة المهام
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.