نُشرت في ٣١ أكتوبر ٢٠٢٦
٢بعد تجربة ممتعة في الجزء الاول وتركيز على بناء العالم والأحداث والشخصيات وخصوصاً استيل وجوشوا، مع كليفهانقر وصخ في النهاية. جاء الجزء الثاني مع تركيز ممتاز على المنظمة وعلى الشخصيات عامة وارتباطاتهم ب أعضاء المنظمة وخصوصاً استيل جوشوا تطورهم كان ممتاز . أعضاء المنظمة حبيتهم مرة لان كونهم أعضاء فيها مو يعني عنده سبب يساعدهم في المهمة، كل شخصية لها أهدافها وأسبابها الخاصة وذا الشيء أعطاهم حرية اكبر القيمبلاي والبارتي اللي من الجزء الاول أعجبني جاء وتوسعوا فيه زيادة، وصار إدماني اكثر في الجزء الثاني مع تطوير ال tactical orbment وحركات كثير جديدة. وانميشينز ممتازة قاعد اخش فايت ورا فايت ومستمتع. وفي ذا الجزء البارتي كان كبير وعندي تنوع بالشخصيات اللي اقدر العب فيها صح انه بعض الاحيان يجبروني العب بشخصية معينة بس ما كان ذا الشيء الكبير. ووجود نظام ال action rpg كان جميل كتغيير بسيط ضد الاعداء الجانبيين المهام الجانبية في ذا الجزء كان جميل، لان كثير منها متعلقة بالأشخاص اللي ساعدتهم بالجزء الاول مع تنوع للمهام وتغيير حلو جداً استمتعت وانا اسويها.
تفاصيل التقييم
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.