Arcanum: of Steamworks and Magick Obscura

سويت عنها مقطع يوتيوب للمهتم ومفحاله يقرأ بعنوان" اميز عالم فانتسي Arcanum" عالم هاي/دارك فانتزي يمر بثورة صناعية تخليك تشوف تضارب بين السحر والتقنية،بين المحافظة والحداثة،بين الثبات على التعاليم القديمة وركوب الموجة الجديدة،راح تشوف ايلفز واقزام،تنانين وزومبي،سحر وسيوف وايضا راح تشوف مسدسات وقنابل،ميكا وطيارات حربية،اطراف صناعية ومكاين بخارية اكثر حاجتين لفتت نظري لعالم اركينيوم من قبل العب اللعبة حتى هو ١-كيف راح يتغير المألوف تحت قوانين هذا العالم؟ التغييرات كانت موفقة بدون ما ادخل في التفاصيل ٢-كيف السحر والتقنية يتصادمون سواء في اللور او ضمن انظمة الاربيجي: في انظمة الاربيجي فهي خيييييييياللللييييةةةةةةةة ولكن بالمعنى الحرفي للاسفعندك اساليب كثيرة تبني شخصيتك بس بركز على اكثر عنصر ممكن يميز اللعبة الميلان للسحر او الميلان للتقنية؟ تبغى تصير ساحر وتتخير من بين ١٦ مدرسة سحر زي النيكرومانسي او النار او الارض او الماء او سحر الوقت او سحر الاستدعاء او سحر التحويل او العلاج او او ولا راح تركز على التقنية؟ تصير ميكانيكي؟ تصير كهربائي؟ تستعمال المسدسات بأنواعها او القنابل؟ ولا صناعة آلات؟ ولا تبغى تستعمال الخلطات العلاجية بدال السحر؟ ولان في اللور زي ما قلت فوق فيه تضارب صريح بين قوانين السحر والقوانين الي تمشي عليها التقنية فشخصيتك صعب تجمع الاثنين لان فيه عداد اسمه الـApplitude اذا كان مايل للسحر راح تصير عندك جاذبية للسحر ونفور من التقنية والعكس ايضا يعني لو كنت مركز على السحر ؛ الهيل العلاجي الي يجيك بيكون عادي لكن المخترعين واصحاب التقنية راح يحاولون يبعدونك عن اجهزتهم عشان لا تخربها والعكس اذا كنت مائل للتقنية فبشكل كبير راح يضعف الهيل الي بيجيك من خويك الساحر في نظري هذي جنة الاربيجي واضح جدا اجتهاد المطورين في محاولة تمييز اللعبة عن اي شي شفناه قبل او نشوفه اليوم! لكن للاسف هذا خيالي وخيال المطورين لان التطبيق كان معيوب بشكل كبير مليون حاجة لازم تختار بينها لكن شححححححح شدددددددييييدددددد في النقاط الي تاخذها تقريبا كل لفل تاخذ نقطة وحدة ( الا كل ٥ يعطونك يكرمونك بنقطتين) وتختار تصرفها على الـattribute زي الانتلجنس سترينقث كاريزما الخ.. ولا القدرات السحرية ولا العلمية ولا تزود الهيل ولا تزود الستامينا!! يخرب بيتك يا مطور يا حمار افصلهم عطني نقطة هنا ونقطة هناك ولا في اللفل الفلاني عطني هنا ولفل ثاني هناك وفوقها تبغى تتعلم سحر قوي؟ طور الـWP للفل عالي توصل ١٥! يخرب بيتها طارت كل نقاطي في البداية وانا ادمج ١١ والبارتي يدمج ٣٠ يعني بالعربي غصبا عنك تسوي min maxing ولا بتاكل تراب بس..... عندي احساس كذا صغيييرررر يقول هذا بيكون ارهب شي في الحياة اذا رجعت تعيد اللعبة وانت فاهم بالضبط ايش تبغى لكن ما ابغا استبق الاحداث والله اعلم ايش يصير في المستقبل بس فيه حاجة وحدة تطبيقها بيخليني ودي اعيد اللعبة الأنننننننننن حسب النقاط الي تصرفها على الذكاء/انتلجنس راح تتغير الحوارات بالكامل وحتى ردات فعل الناس عليك بتتغير ! كل المشاكل الي فوق خليها على جنب وتعال نتكلم عن الطامة الكبرى القتال الخربان اللعبة بشكل صادم ماهي RTwP لانها full real time!! وفي نفس الوقت تقدر تغيرها لتيرن بيسد!وايه صحيح زي ما تتوقع كل مود اسوء من الثاني بالنسبة لمود الريل تايم الي هو اساس اللعبة انا ما اعرف كيف طبخوا الكومبات المعاق هذا هل المشروع كامل كان بدون تيسترز؟ معقولة ولا واحد طالع وقال همممم فكرة حلوة نخلي الي يسوي سبام كلك يسار اسرع بيقدر يخلص المواجهة اسرع خلص عليك الفاتيق؟ وماعندك بوشنات؟ خلك واقف ١٠ دقايق يتعبى من نفسه وارجع سوي تشيز للمواجهة الجاية بنفس طريقة المقطع الي فوق والتيرن بيسد شوي ارحم بس يعني ليش استعلمه وانا اقدر اعذب صباعي ٤٠ ثانية بدال ما اعذب روحي ١٠ دقايق لنفس الفايت؟ اللعبة فيها ٣١ عضو بارتي!!!! ٣١! طبعا متفاوتين بشكل كبير بين المهم والغير مهم بين الرهيب وبين الي وجوده زي عدمه وبين الي له اداء صوتي والي ماله وعدد الي تقدر تاخذهم معاك في نفس الوقت مربوط بالكاريزما حقتك... يعني زيد الحيرة في توزيع النقاط اللور: اللعبة تجذبك بشكل خيالي وتخليك تترقب كل شيء تعطيك عنه لمحة يعني لمن تسمع ان اعظم اختراعات البشرية(المحركات) هي كان اختراع للاقزام مرمي في الزاوية يصدي ولا له اي قيمة عندهم اذا كيف اعظم اختراعات الاقزام وايش ممكن يكون عندهم! بس للاسف في نظري قصروا مرة في هذا المثال بالتحديد الكويستات الجانبية بعضها يعلق في الذاكرة وبعطيك مثال طويل لتجربتي مع احد القصص: في بداية اللعبة رحت لمدينة Tarant لاحطت ان الهالف اوقر مرة كثيرين وماسكين وظايف كثيرة تختص بالحراسة توقعت انه هذا الطبيعي في عالم اريكينوم بس لا كل ما تقدمت في اللعبة لاحظت انهم نادرين لين قابلت.. هالف اوقر ذكي منفي في جزيرة بعيدة ناقشته لين عرفت انه عاش حياته زي العبد يتنقل بين الوظايف وهو على الحد الادنى من المعيشة سالته عن ماضيه قالي انه بشكل غريب كان في ميتم متكون بشكل كامل من الهاف اوقر وهنا الفضول انفجر عندي بعد فترة طويلة طلع لي -عن طريق النت صراحة- كويست جانبي... اذا مشيت فيه بتعرف انه عن مؤامرة من الاشخاص المهيمنيين على مدينة Tarant, اغنياء لكن مكروهين لأساليبهم البشعة الي وصلت فيهم انهم يسوون مصنع للهالف اوقر في جزيرة منعزلة ينتجون فيه عمّال وحرّاس خاصيين لهم والكويست نفسه بيحكي لك ايضا عن ملك Tarant السابق الراحل وزوجته الي كانت بالنسبة لهم الإناء الصحي المثالي البديل للعاهرات المريضات الضعيفات كويست مكتوب بطريقة مميزة ماتطلع بالقوة هذي الا من عالم مميز زي اركينوم لكن... زي باقي اللعبة الكويست هذا انقتل بطريقة السرد الي ما انحطت في الفرن اصلا عشان تنطبخ يمكن لاحظت ان سردي للقصة تغير فجأة هذا لأنه٨٠٪؜ من جزئية الكويست ينقال بلسان ٣ شخصيات و انك تشوف المصنع المهجور لمدة دقيقة... الكويست كله تتمشى من مدينة لمدينة تدور فيها على فلان وتجيب اغراض ولا لك اي تأثير على سير الاحداث ولا اي اختيار مهم ولا كأن للاعب وجود وولا كانك تلعب نفس اللعبة الي في البداية اللعبة ما تنلعب بدون الـ Unofficial patch ومعاه تقدر تحمل المود الي يرفع الرزلوشن -الفيتش كويست كثيرة بزيادة -التنقل قروشة مرة سواء بين المدن او داخل المدن الي بتاخذ وقت عشان سالفة الحركة مع الكاميرا الحوارات تنتهي بشكل غريب بعض الاحيان فيه مليون خيار ودك تسال عنه بس اللعبة تقولك لا خلاص بح وتدخل في لووب كل مرة تكلم الشخص ماتطلع لك الا خيار واحد بس والباقي الي ما سالته راح عليك لسبب ما موسيقى رااااااايقة واستعمال الكمان في اغلب المقطوعات يضيف لعمق ثيم اللعبة لكن بسبب قصر التراك وتكراره لفترات طويييييلة جدا تصير مزعجة بس انصح وبشدة انك تسمعه على اليوتيوب وانت مروق قلة التمثيل الصوتي خسارة كبيرة لانه لمن يكون موجود يكون متقن جدا الاداء الصوتي فقط محصور على بعض الفلورز حتى مو كلهم وبعض شخصيات القصة المهمة (ينعدون على الاصابع)