Elden Ring

نعم من افضل الالعاب الي لعبتها بحياتي لكن لعبه منفوخه ، لعبه مليانه ايجابيات لكن فيها سلبيات محد يتكلم عنها ، الاستكشاف جميل بسبب العالم لكن ك استكشاف كان سيء مليان تكرار خاصه الدنجنات كانت قبيحه ، المشي بالعالم حلو فقط بسبب جمال العالم الاستكشاف باللعبه مرات كثير ما يكافئك على الاستكشاف سواء من بوسيز ممكررين او من اسلحه ، كثير من الكلام تشوفه عن تنوع الاسلحه باللعبه لكن هل اللعبه فيها تنوع اسلحه عجيب ؟ لا و اي لأسباب ، في تصنيف كامل الي هو الArcane تصنيف مسحوب عليه حرفيا اغلبه اسلحه فيها بليد فقط ، مليان اسلحه نفس الشي و بس لون مختلف ما يمديني انكر في افكار حلوه لكن هل تنوع خرافي مثل كلام الناس ؟ اطلاقاً البوسيز باللعبه كانوا مخيبين اغلبهم مليانه اللعبه تكرار بوسيز و للاسف ما لقيت بوس واحد اقدر اقول عنه بوس كامل ، للاسف فعلا البوسيز كثير منهم خايس و إذا لقيت واحد ممتاز ما يطلع كامل ( كبوس فايت ) سواء من ماليكيث الي فيزه الاول اشوفه اقل من عادي او قودفري الي فيزه الثاني اشوفه جيد او راداقون الي ما اشوفه بوس خرافي لكن فيزه الثاني خربه بشكل جنوني ، اللعبه كان يمديها تاخذ اشياء من الاجزاء الماضيه مثلا كان يمديهم ياخذوا الهوك الي من سيكيرو و يخلوا دنجن يعتمد على ذا الموضوع ، او اهم شي ما اخذوه من سيكيرو الي هو انه ما يمديك تعيد بوس كان يمديهم يحطوا الميزه ذي لك إذا ختمت اللعبه مثلا او إذا جيت البلات تروح مكان سري و يعطونك هو ليه لازم اعيد اللعبه كامله عشان عشان أضارب بوس واحد فقط ؟ المشكلة الاكبر انه الميزه ذي موجوده بلعبتهم الماضيه ، هذا غير انه اللعبه إذا وصلت المنطقه الثلجيه تصير ثقيله بشكل مجنون استكشاف مقرف بوسيز سيئين و ما يتحسن الموضوع ذا على طول لا المنطقه الي بعدها ايضا زق الي هي فارمزولا ، ما يتحسن الموضوع ذا إلى إذا وصلت عند قودفري لكن بعد ايش انت حرفيا بنهاية اللعبه ، الموضوع ذا مو بس أنا الي لاحظته اغلب الناس الي كلمتهم سواء من اخوياي او اخواني اتفقوا انه اول ما توصل منطقه الثلج اللعبه تصير ثقيله بشكل مقزز الاضافه على انها حسنت كلامي عن البوسيز و صار فيها فعلا بوسيز رهيبين مثلا رادان او ميسمير او ميدرا لكن خربوا جدا الاستكشاف و المشي بالعالم على انه يكافئك اكثر من اللعبه لكن الاستكشاف نفسه و المشي بالعالم صار من ابيخ ما يكون ، أيضا في القصه للاسف انه اللعبه مليانه شخصيات كتابتهم روعه مثل مورقوت فعلا عظيم عظيم او رادان الي اشوف كتابته جميله لكن بعد ما تخلص الاضافه يعطونك كتسين مدته ٢٠ ث ما يشرح لك اي شي اغلب كلام الناس عن اللعبه هو نظريات ليه ياخي كان يمديك تسوي سرد ممتاز ليه لازم تخليني اعتمد على كلام اللعيبه ، بعيدا عن كلامي السلبي فعلا اللعبه استمتعت فيها جدا بداية اللعبه من أروع ما يكون صح انها لخبطه لكن كانت روعه ، استمتعت بالبوسيز على انه مافي احد فيهم كامل ما عدا بعض الي بالاضافه لكن مو مشكلة ، استمتعت جدا بعالمها الساحر و المشاهد حقتها اللعبه ذي قد يكون فيها افضل مؤدين أصوات بالتاريخ اتوقع مافي ولا واحد سيء او عادي ، قيمبلاي جميل لعبه حلبتها حلب ختمتها اكثر من مره و سويت نو هيت لأغلب البوسيز فيها ، إلى الان اشتاق الي تختيمتي الاولى لها لعبه عظيمه لكن فيها عيوب تنرفز .